喜氣羊羊

Mei祝大家羊年身體健康、心想事成！
遲到的祝賀，由為啊Mei由年卅開始病,仲要返工，今日年初三先有假放呢！
大家要保重身體啊！

麵包班 2~辣肉鬆各&合桃朱古力曲奇

上次既雞尾包大受家中幾位的歡迎，所以好期待上第二堂

                             

                                辣肉鬆包完成了！

整曲奇啦！

完成了

兩堂後我對手搓包興趣越來越大，仲計劃學完呢5堂再學歐陸包

車縫班—梳化布蓋

Mei係一個人閑心不閑的人，一有時間就手多多的，興趣又多，大少話因為我係雙子座！笑！

布藝、編織我都鍾意，小姐大了，時間多左，可以做自己喜歡的事！

參加了車縫班，因為是小班教學，可以自己選取題目
第一堂選了床蓋，老師說可以練習車線技巧的
  

                              逐條布條車縫一點又不是容易

 布條拼完後就是夾棉，原意是做床蓋的，用了美國有機棉，再拼上底布

                              舖在梳化上拍照，小姐話都幾襯喎

最後成為梳化蓋了！

           

Mei's Cooking ~糯米雞、芒果黑糯米

Mei好都幾鍾意食糯米類食物的，但試過自己整，蒸既時間唔短，又要睇火，又要加水，好麻煩呢！

小姐有日話想係屋企食糯米雞，24孝既我當然無 say no 啦！

矇矇既我用番傳統蒸既方法

四人份量咁大隻，蒸左成三個鐘先得，飯仍未夠粘糯！

得閑睇FB見到有人用R仔焗爐焗黑糯米，立刻跟住試

                 黑糯米只浸了一個鐘，放入焗爐用蒸焗mode，焗了                         55分鐘就OK

煮個椰汁醬，配坤靚靚芒果，又靚又好味既甜品

芒果黑糯米

以後煮糯米就容易好多啦！

生日飯～啊鴻小吃

有人生日問佢想食咩，佢竟然要求食滷水鵝，仲山長水遠走入機場,服左你啦！

啊鴻小吃第一間店舖是北角和富道，以當時價格是偏貴的，而且只做外賣，今曰佢有兩間店，一間在官塘，一間在機場！

小姐同肥仔大力推介佢既滷水鵝同蒜香雞

生日既人話事啦！

                               越嚟越傻既兩個

                             

                                蓮藕煲豬展$30夠味夠料，四個人飲都夠

上湯浸蔬菜，可惜蘿蔔太咸

                             
                                滷水三拼，鴨舌依然好味！

                                鵝片好味，肉嫩味鮮$190，抵！

                                蒜香雞都幾惹味，但始終鍾情鵝片

小姐用職員証有八折，呢餐唔使$500，幾抵食，下次去官塘店試下先！

Wilson Happy Birthday 大個仔啦！

麵包班 1

家中有人鍾意食麵包，一直都是買街外的，但見近年的麵包口感越來越差，一陣風咁，完全無質感的！
看到這間教室的評語好像不錯，時間又啱，一於去玩下

  

2014週年之旅—食 2

 繼續同大家分享我最享受的食
係日本唔食海鮮刺身真係無可能，大阪黑門市場的三平水產最方便
兩、三日就去一次

肥美既Toro，三文魚腩，海膽

美味既蟹蟹！

                             

即開新鮮海膽

呢個街市都好好行架，咩都有！

                                    超鍾意呢個燒帶子，每次必食！

串炸 

大阪串炸都好出名

                                晚上好熱鬧，當地人放工後坐滿一店！

                               麵衣好薄脆，佢地既點醬好好味！

炸串好味道，又香口，可惜多吃會熱氣，食左兩次就嘴損了！

文字燒
無深究佢個名既來源，只是小姐覺得製作過程好玩！
個人覺得同中式燒餅差不多！

                      隨便在心齋橋找到一間，味道都唔錯喎

                                有職員替你弄的，真好！如果俾小姐攪，都唔知食唔食得！

                                唔太like佢上面的醬汁

                                傻妹一個